【圖片故事】抽水哥...你係得o既.....你已經飛昇國際.....2007年5月8日
2007年5月2日
澳門烏龍槍擊案
一水之隔的澳門，五一勞動節遊行演成騷亂，還要開槍後戲劇性地子彈拋物線擊中市民。現場有三多：示威者多、司警多、記者多（Sorry.....就係冇奶醬多、冇油占多、冇西多），要看足不同電視台片段，不同的通訊社圖片，砌拼圖咁砌出一個故事來.....
起初不知就裡，想不到司警為什麼要open fire，官方事後解釋，係因為有個阿婆跌低，為免阿婆被人踩人踩死，所以司警拔出佩槍向天發射示警，咁後來睇番TVB段片，又冇錯喎，真係有個阿婆跌低哇。
不過，台長有些疑惑：1.一定要開槍才可以救到阿婆？2.一定要開足五槍？3.向天開槍一定安全？4.亮槍後會不會刺激群眾情緒讓情況惡化？
其實，台長認為，槍者，操生殺之大權，乃兇器也，等閒不易亮之。即使原意可能如官方之言，但總不免予人口實，稱之為開槍鐵腕鎮壓示威，至少台長有此疑惑。
同日，香港勞動人民都有去遊行，但真係斯文到不得了，擦極都冇火花，到底是謙謙守法，還是迂腐怕死？冇吉士？
圖片來源：路透社