昂坪三碌拎

　　昂坪三碌拎依家似乜？咪似十五隻吊桶咁.....七上八落.....吊響半空吊吊fing.....

　　據稱，有ｄ行家採訪三碌拎時做到一肚氣，經已不斷咒佢總有一天會跌架吊籮落泥，結果一語成讖，比佢地咒到了，但係.....咁咪又係做死自己.....

　　還記得，台長第一次坐吊車係海洋公園剛開幕後不久，仲係細路哥一個，記不起為什麼會害怕，只記得很害怕坐吊車，結果比老媽子捉上車，嚇到面青口唇白，諗諗下，又好似係唔知點樣聽聞果薯試過有架吊車跌過落山云云，所以先至害怕.....

　　最大問題就係，如果三碌拎重開之後，台長仲好唔好去坐呢？台長一次都未坐過呀.....

【圖片故事】抽水哥...你係得o既.....

【圖片故事】抽水哥...你係得o既.....你已經飛昇國際.....

澳門烏龍槍擊案

　　一水之隔的澳門，五一勞動節遊行演成騷亂，還要開槍後戲劇性地子彈拋物線擊中市民。現場有三多：示威者多、司警多、記者多（Sorry.....就係冇奶醬多、冇油占多、冇西多），要看足不同電視台片段，不同的通訊社圖片，砌拼圖咁砌出一個故事來.....

　　起初不知就裡，想不到司警為什麼要open fire，官方事後解釋，係因為有個阿婆跌低，為免阿婆被人踩人踩死，所以司警拔出佩槍向天發射示警，咁後來睇番TVB段片，又冇錯喎，真係有個阿婆跌低哇。

　　不過，台長有些疑惑：1.一定要開槍才可以救到阿婆？2.一定要開足五槍？3.向天開槍一定安全？4.亮槍後會不會刺激群眾情緒讓情況惡化？

　　其實，台長認為，槍者，操生殺之大權，乃兇器也，等閒不易亮之。即使原意可能如官方之言，但總不免予人口實，稱之為開槍鐵腕鎮壓示威，至少台長有此疑惑。

　　同日，香港勞動人民都有去遊行，但真係斯文到不得了，擦極都冇火花，到底是謙謙守法，還是迂腐怕死？冇吉士？

圖片來源：路透社