基哥

　　台長好細個果陣已經識得基哥，台長剛升小學時，好記得佢個拍檔僑哥響我舊屋對開個波地開居大會，我仲坐o左響度坐成晚，今日o既僑哥已經做埋區議會主席，佢地係深水埔做了成廿幾年地區工作，街坊都有口皆碑，但今次區選唔知點解會輸到一敗塗地，睇見基哥苦瓜乾口面，仲要劈炮以謝天下，睇到台長都好心酸。

　　基哥話，有ｄ街坊見到佢擰歪面，有ｄ同佢講話唔好意思唔選得佢喎，聽到我都抓晒頭，到底發生了什麼事呢？實在值得好好細味慢慢嗒。總之，見到今次呢個戰果，實在令台長憂心忡忡，基哥，撐住呀！

【圖片故事】圍城！！！

【簡訊】大角咀道發生大蝦細事件，一名細路（黃箭咀示）被三名大隻佬圍住泥恰，毫無還拖餘地，側邊ｄ人又袖手旁觀睇好戲，可謂世風日下是也！

N年前老友所贈失戀詩兩首

　　這一個夜，台長清理床下底寶箱兩個，覓得舊詩兩首：

　　月下靜坐常思憶
　　上蒼繁星難尋覓
　　若是情深非好夢
　　錦羅煙花成往昔

　　雲上見月霧不現
　　雨中伊人情已變
　　多少愁傷杯裏酒
　　飲盡前塵往昔天