【snapshot】西貢碼頭

好多艇仔呀.....


好多海鮮賣呀.....


仲有好多學生哥去露營哇.....

陣亡

　　一張震撼的相片，一段奪魄的默片，突顯出一名忠職殉職的專業記者，他人生中最後的一個本能動作，仍然是舉機拍攝，那怕只有短得可憐的三數秒鐘，他是日本人，名叫長井健司，台長看得呆了，豎起大姆指，由衷地寫一個服字！

　　獵犬終歸山上喪，將軍應當陣中亡，台長只希望他當時也是在想，死得其所，走得痛快，無悔一生。

　　這一場壯闊波瀾的袈裟革命，應當感謝可以改變世界的高科技電子零件，即時將實況傳送至世界各地，如果早在20年前，真相早已被煙歿了，冤魂亦只會有多無少。如今，緬軍一切獸行，歷歷在眼前，彼可群起而攻之，推倒邪惡的鐵幕，驅逐一切不公義之事。



圖片來源：蘋果日報

1408

　　台長很久沒看過恐怖驚慄片了，《1408》勉強滿足到台長自尋煩惱的願望，至少，台長中途去洗手間時，去去下突然有人開門喎，緊繃繃的一顆心，差點跳了出來呢！唔知睇完套片之後，會唔會有密室恐懼症呢？

　　男主角Mike Enslin是一位作家，專門去鬧鬼的地方住下，然後寫鬼故出書，後來，佢去到死人如麻、鬧猛鬼、號稱冇住客可以活得過1小時的紐約海豚酒店1408號房間，不顧酒店經理苦勸、威嚇與利誘，堅持入去住番晚，噩夢從此開始......

　　男主角求仁得仁，房間的鬧鐘收音機突然大叫一聲，開始倒數60分鐘，嚇到佢彈起，隨後發生了各種不可思議的事情，男主角係咁比間房玩到傷痕纍纍，嚇到歇斯底里，佢想爬窗過隔離房，爬冷氣槽逃跑也不管用，都係重墮牢網之中，最後房間仲要比厚厚磚牆有如鐵桶般重重包圍，插翼難飛，期間男主角仲見到死鬼老豆和女兒，房裡又突然變成汪洋大海，又變成冰天雪地，真係唔嚇死，都會浸死或者凍死。

　　間房玩到佢謝晒之後，好不容易捱完呢個鐘，個鬧鐘竟然又重新倒數，即係再玩多個round，夠晒無間啦......跟住個電話忽然響起，room service話：「你將進入下一個60分鐘，或者也可以，以自殺作為退房！」最後，男主角用樽靚酒自製氣油彈放火燒房，終於被消防員救出1408號房，但有人話佢ｄ所謂恐怖經歷只係幻覺而矣，但後來佢聽番錄音機重播，真係錄低佢同死鬼女兒的對話，即係佢真係撞過鬼來。

　　故事簡單，基本上得男主角一人在唱獨腳戲，場景只得一間房，情況有點像湯漢斯主演的劫後重生那樣子，真係好考演技，大致上都ｏｋ，但係片中的時空交錯得好利害，有時候會撈亂了，網民評論，有人話係爛片，有人話男主角好戲，開頭氣氛都營造得幾緊張，但未算好恐怖，值得一提便是男主角好像有點像黃秋生，呵呵......