柔軟銀行變Windows Phone

本已塵封o既柔軟銀行，竟然可以upgrade上wm6.5，台長發現後立即同佢做手術，上網左摷右摷，flash了2個英文rom再外掛中文，都係唔掂，會自動hang機+hard reset，好彩搵到個中文版rom，冇晒以上o既煩惱，用落感覺仲好似爽過wm6添，希望唔好太食電啦.....

呢部二手柔軟銀行，係台長用過咁多部ppc之中最具生命力，真係冇得頂..... :p

一代新車勝舊車

今年17歲o既舊戰車，行o左廿幾萬公里後，終於宣告退役了，佢陪伴台長出生入死都已經9年啦，留下不少回憶，今日一劏，切斷埋台長跟舊戰友的集體回憶，不經不覺走到這裡，一切俱往矣！

巧合地，舊戰車剛服役時，正是新戰車出世之年，本應由台長接替舊戰友，現在亦由新戰友接替台長的棒了，時間跑得真快，「皮膚竟偷偷鬆了，為何用到盡了，至知那樣緊要」，E神好一首「陀飛輪」，直打進台長的心坎了。

賠了夫人又折兵

　　台長諗住趁鏟機試裝win7，點知裝極都裝唔到，都算，最弊係之前裝落個recovery軟件，一鏟機後自動彈番去半年前，都算，最慘係連我呢半年來data蒸發晒，好彩之前backup過落舊hardisk，但都唔見o左2個月data，OMG…..

老天爺在上，台長以後都唔敢再亂用recovery軟件啦~~