「鬼」電梯

　　且說一件詭秘絕倫兼搞鬼的辦公室逸事，台長辦公的房間隔鄰，有一台貨Lift，幾乎成為專用升降機，從20樓到地下，便可立即跳上採訪車出發工作。

　　不久前的一天，台長如常出發，甫出門口，便發現貨Lift早已張開大口，彷彿專誠請君入甕，台長陽陽如平常昂步走進去按掣，噢，「Ｇ」字不亮燈？莫非壞Lift？

　　阿彌陀佛，台長只好回頭是岸，我拍檔聞言欲進Lift察看，豈料欠一步入Lift之際，它，忽然合上大嘴，嚇得拍檔縮窒，莫非真係咁有「靈性」？

　　台長以為這一台貨Lift又冇事，心大心細，最後都係入番去，正當台長想按掣之時，突然在空洞的Lift中，傳來一把詭異莫名的聲音：「你想去邊處呀.......？」

　　嘩！有鬼乎？

　　定下神來，循怪聲昂頭一看，原來是電梯工人在Lift頂檢查緊。

　　啼笑皆非　@_@