復活節隱居五天旅行團

　　台長這一周的過去、現在與將來..........

周日：與舊同學在奧海城花了百六大洋打瘋狂保齡，結果四肢之中，除左手外幾乎全數癱瘓。

周一：全日全天候擺位冇o野做，與行家踢了半天毽，從團體賽進化至單循環淘汰賽，仲有專人做球證，連街邊那兩位過路亞叔也看不過眼，除下西裝加入戰團，亞叔仲曉打雙飛添.........（雖然十下有九下踢唔中）

周二：五天隱居團前夕，臨下班前在公司執拾細軟，帶走Nikon D70、Palm-size PC、Handheld PC、電腦雜誌........嘩..........好鬼重。

周三：即係現在，埋頭苦幹撰寫本文，並懊惱將來共五天假期可以做些什麼？

周四至周日：隱居？師妹問我那麼多假，做乜唔去旅行？可是她卻忘記了台長現在是一個沒有國籍（護照）的「難民」。

周南：點解會係周南？可能有人會問關佢乜事？答曰：其實唔關佢事，只係台長順手拈來，點綴一下而矣！（真係好無厘頭）