聖誕節．焗蛋糕

　　台長平生第一次焗蛋糕。與舊同學聖誕聚會，一起煮飯仔，其中一味是餐後甜品，台長幫手整埋一份。

　　首先，將一整盒蛋糕發粉，好似維港填海咁，悉數傾倒到大碗中，係咁倒係咁倒，然後再淙淙注入加鈣奶2盒，合共500ml，比要求高出1倍，哇哈哈，再加入發散的鮮雞蛋2隻。

　　台長按：以上步驟，基本上都唔係台長做，台長主要係幫手發下雞蛋而矣。

　　台長將撈到好似一大碗金寶牌忌廉雞湯的原材料，倒進攪伴器，發動引擎，嘰嘰之聲不絕於耳，發粉、牛奶及雞蛋就在那方寸之壺內承受著挫骨揚灰的酷刑，如泣如訴地哀號。

　　是時候了，台長把漿汁分別注入3個錫紙兜內，有點兒似地盤灌漿工程。最後毫不留情地把錫紙兜踢進焗爐中，以攝氏220度高溫焗他40分鐘，隔著玻璃看著發脹過程，陣陣香味飄來，很甜喔！

　　滿心歡喜地將蛋糕小心翼翼取出，表面已成脆皮，但似是地震斷層，手起刀落，咦，十分煙?，好似酒樓的蒸鬆糕咁o既？

　　話晒都係第一次，照吃可也，唔，很甜耶！如果以10個「甜」係最甜，台長會給：

　　「甜」「甜」「甜」「甜」「甜」「甜」「甜」「甜」