【東北遊記．第7天】怪坡．東陵．瀋陽故宮

【2006/12/03】

早上退房，押金500塊錢，服務員竟找給台長600塊錢，住宿還有錢賺？奇怪了，原來係佢搞錯，但及時糾正錯誤，臨出門口時打爛昨夜買的溫度計，勁無癮，我們仨電約了的士佬吳連生，早上7時45分出發去瀋陽怪坡，睇下有幾怪，據稱上斜時唔駛用力，但落斜時要好用力云云，但台長feel唔到囉.....抓晒頭.....

然後，我們仨再去東陵拜埋努爾哈赤的山，該處有108級登山樓梯，好像叫作一百零八蹬，相傳如果一面登梯一面數級數，數得準108級便會帶來好運，我數了107級。拜山沒有太多特別事情發生，後來我們提早到火車站購買往大連的票子，但竟然全日的票子都沒有了，果然係噩運纏身，都唔理得咁多，的士佬吳連生立即叫妻子替我們仨搭路問有冇車票，因為她識得朋友在火車站工作，但結果都係冇票。

想多無謂，開飯最實際，我們到瀋陽故宮旁的馬家燒麥吃lunch，燒麥是一些類似燒賣的包子，可以選不同餡料，1斤由10多塊至50塊不等，可以叫1兩4顆，還有用牛肉製作的咕咾肉，也很特別和美味。餐後到瀋陽故宮一遊，但唔算細，到關門時都係行唔晒，只好出來到隔鄰店子買下手信，再到體育一條街找細輝想要的波衫，但係殘念，最後都係行路返賓館再作打算，在賓館旁的永和豆漿吃豆漿油炸鬼當dinner，很便宜，只須數塊錢。

我們仨亦曾考慮過在晚上乘長途汽車趕去大連，但最後果班車在晚上7時10分便開了，所以我們仨又要被迫滯留在瀋陽多一晚了，首先到火車站買定明早的票子，再在火車站附近找賓館落腳，又拿又揹著大包小包，很不方便，過馬路時我們仨更差點給公車撞倒，有驚無險，拐著圈子看過數間賓館，中途被火車站外找客人的阿嬸追了兩條街咁遠，叫喊聲可能比唐三藏講耶穌更難受，最後成功抵壘，到火車站旁的和平賓館下塌，床頭放有避孕套和KY，有償使用要收10塊錢。睡前Emma拿出剛才買的明信片寫了，我都係第一次去旅行時寫明信片，很特別，但要找郵局補費才能寄回香港。